« Les Petits Cailloux »
festenal occitan per mainatges
lo 28 de setembre de 2024

Lo festenal « Los Calhaus Pichons » fèsta l’occitan e los quatre elements.

Lo festenal occitan Los Calhaus Pichons, organisat per l’associacion Albi Occitana (A-OC) e l’escòla en immersion linguistica Calandreta d’Albi, tòrna lo 28 de setembre 2024 per una dotzen edicion dedicada ongan als quatre elements : l’aire, la tèrra, l’aiga e lo fuòc.

Rendetz-vos immancable de la dintrada e de la cultura occitana a-z Albi, lo festenal proposa un novèl còp una jornada d’activitats familhalas dins la sala de Pratgraussals.

Al programa aquesta jornada festiva, tres espectacles pels joves : « Bulbul le bambou », « Le voyage de la gouttelette et Lolo » e Julon piupiu e la balena. Parents e enfants poiràn atanben aprofechar dels talhièrs e de las landrejadas en ligan amb los quatre elements : talhièr d’argela, fabricacion de molins de vent, corsa de gòts al fusilh a aiga, passejada sus escaças. Baladas contadas (sus inscripcion), cavalets a pedalas e plan d’autras animacions. Seràn expausadas de creacions dels Plasticians volants.

Per profechar plan d’aquel moment en familha, un servici de restauracion e una beguda pels pichons e mai bèlses saupràn contentar los ventres afamats e las gargantas assedadas, mentre que lo taulièr dels pichons regalarà los bècs sucrats.

Tre 17 oras, aquelas animacions daissaràn plaça a una serada festiva ont lo fuòc, la dança e lo joglar espantaràn pichons e grands. La serada se perseguirà en beutat amb un balèti endiablat que farà bolegar pichons e grands e un espectacle de fuòc vendrà metre un ponch final a aquela 12ieme edicion. Aqueste bal popular serà menat pel collectiu de musicians Clica Drona, que la musica salvatja aprivadada demòra marcada dins la cultura occitana.