« Les Petits Cailloux »
festenal occitan per mainatges
lo 23 de setembre de 2023

Lo festenal « Les petits cailloux » (los calhaus pichons) festeja l’occitan al ritme dels cinc senses.

Lo festenal occitan « Les petits cailloux », organizat per l’associacion Albi Occitana (A-OC) e l’escòla en immersion lingüistica Calandreta d’Albi, torna lo 23 de setembre de 2023 per una onzena edicion dedicada als cinc senses. Mancatz pas aquel rendètz-vos de la dintrada e de la cultura occitana a Albi. Lo festenal prepausarà un còp mai una jornada emplenada d’activitats familialas e intergeneracionalas dins la sala de Pratgraussals.

Al programa d’aquela fèsta de la cultura occitana, tres espectacles pel public jove : « Fleurs de farines » , « Granita et le Bazar des émotions » e de cançons pels pichonets per l’autor compositor interprèt Frédéric Bardet. Parents e mainatges poiràn egalament profechar de 5 talhièrs e d’un desenat de traïnassariás dedicats als cinc senses a l’onor tot lo long de la jornada :

• La vista : trajècte los uèlhs bendats, illusions d’optica, jòcs d’ombras,
• l’ausida : sensibilizacion a la lenga dels signes, fabricacion d’instruments de musica de recuperacion, lòto dels sons amb Ràdio Albigés,
• l’odorat : bar a sentors, passejadas sensorialas contadas dins lo pargue de Pratgraussals amb Arboresence, descobèrta de las odors del vin (pels adultes),
• lo gost : bar a glaças e siròps, descobèrta de las sabors del vin
• e lo tocar : trajècte pès/mans, argela, boita mistèri bilingüe

Tre 17 oras, aquelas animacions daissaràn la plaça al balèti : una tradicion occitana. Aquel balèti popular amassant pichons e grands serà animat pel power trio tolosan Djé Balèti. Jérémy Couraut (espina, cant), Menad Moussaoui (bassa, cant) e Antoine Perdriolle (batariá, cant) metràn lo fuòc a la sala de Pratgraussals de lor afro ròck psiquedelic als accents caribéens cantat en niçard (l’occitan niçard) e en francés. Aquela annada a una particularitat : lo balèti aurà luòc dins lo negre amb maquilhatge fosforescent mes a disposicion dels participants per lusir de mila fuòcs jols projectors de lum negre !